Hari Raya

Assalamualaikum semua... ari ani masuk ari ke ampat berhari raya... masih inda terlambat mengucapkan SELAMAT HARI RAYA MAAF ZAHIR DAN BATIN... Kepada semua pelawat-pelawat blog ku ani... terutama sekali kepada ibubapa, ibu dan bapa mertua... adik beradik, peiparan, biras-birasan, keluarga terdekat, saudara mara, sahabat handai serta umat muslimin sekalian. Hari raya taun ani Alhamdulillah, dapat jua macam biasa beraya kesaudara-mara walau bagai manapun masih ada beberapa saudara-mara yang alum teaga... bukan inda mengaga tapi ada yang diaga, nada bisdurang dirumah tepaksa tah di skip... btw hari raya taun ani siuk jualah... pasal anakku pun basar-basar udah nadakan diingaukan... n sanang lagikan disuruh-suruh... becerita pasal hari raya ani nada pulang yang ganjil-ganjil kami jumpai mcm ikan kalui 17 taun umurnya... tapi yang paling banyak kami jumpai biawak mati di jalan... hehehehe... sian mungkin kan beraya kali bisdurang atu... oklah kan becerita malam raya kami tidur di Masin, sebelum balik atu singgah tah kami jua di rumah Tutong kajap... dalam masa kami di sana banyak tah anak buah ani yang berduyun-duyun beimpum di rumah bapa di Tutong bukan apa yang bini-bininya kan minta pacarkan tangan bisdurang arah my wife... besusun tah macam urang kan bedoa...

Gambar ramai malam raya

Lapas sudah selasai semuanya barutah balik ke rumah masin dalam kul 8 malam... dalam perjalanan bunga apai ani bah, meriaaaaahhh... n baru tah pernah kali aku drive 60 km/h... bukan apa menikmati keindahan bunga api... pindikkan cerita datang ja di masin berihat sekajap... pastu jalan lagi ke Hua Ho kilanas... kan becerita jua ku ni... malam atu belurih pulangku bebali... sebelum ani banyak kadai kami aga, satupun nada barang kami bali... hairan-hairan.. Pagi ari raya pertama semua kami bejalan kecuali adi iparku c. alai damit inda ikut salnya keraja... first rumah kami aga di Rimba rumah nini amit... pastu barutah kami balik ke Tutong beraya di sana, biasalah kalau ari raya pertama ani semua tampat ada makan... apa bulih buat sumbat tah saja ke mulut... sekali-sekala katakan... bila ja balik ke rumah... rusak timbangan salnya sebelum ani kurang 3 kilo ani naik tia balik 3 kilo... kalaunya kawanku menteeen* tu (*bahasa ingris dimelayukan)...

Gambar durang Nana & Hilman sama Kaka Syasya (sepupu bisdurang)

Hari raya ke 2 dapat jualah 4 ka 5 buah rumah kami aga n tarus tah berangkut balik ke Tutong... ari raya 3 pagi bejalan lagi kami sama mama n bapa ditutong mengaga sanak saudara ani... apa yang siuknya ari atu kami belirih 7 buah rumah dalam masa yang singkat pasalnya masa bedudun kami atu mama yang menset masanya, kali ani tia mama jadi pengarah... salnya mama inda suka lama-lama... datang saja dirumah Tutong, balik beraya kami pun beraya ke rumah my sis ka Enung n ka Yai... salnya malam atu jua kami kan balik ke Lumut... Setibanya di Lumut begagastah lagi kan mengusai rumah n menyediakan makanan... pasalnya ada urang kan datang kerumah, di tunggu-tunggu jam 9.45 p.m baru tah bisdurang datang... happy ku tarus taun ani ada udah urang datang kerumahku, nya urang china fung sui tu... salnya pagi raya 4 ada g urang kan datang tapi sayangnya... kami kan beraya jua... inda tah jadi... hehehehe.... ari raya ke 4 kami jalan beraya tapi tapi inda banyak kami aga 3 buah saja... salnya kami kan balik awal... malangnya dalam perjalanan balik ada tah urang xciden di sungai liang stak tah jalan dari sejam labih kan dua jam baru tah sampai ke rumah... hasilnya iatah ganya lurih kami beraya ari ani... tapi jangan silap masa ku membuat post ani... semua anakku n my wife besiap udah kan beraya... jadinya.....????????? teka ja...

Masa ani stuck di sg paku after 1/2hr di kawasan telisai. Kmi mengambil kesempatan bgambar wif happy faces walaupun sebenarnya kengalihan udh. My children nyaman tidur dlm keta. (Perhatikan gambar hilman in the background hehe..) The q lasted until late at nite ari atu.